Den 9. desember går den etter kvart så tradisjonelle julekonserten ved Glomdalsmuseet av stabelen. Med unntak av pandemien har det vore arrangert kvart år sidan 2007. Første gong var det sjølvaste kongen av trønderrock som spelte, Åge Aleksandersen.
I år er det Vilhelm Johansen som står for musikken, men Mari Møystad ved Glomdalsmuseet fortel at det sjeldan går som planlagt.
– Vanlegvis inviterer me ein eller to til å spela, men det er alltid slik at omtrent halve salen er oppom og synger ein sang.
Nissen kjem!
Det har pleidd å vera Glomdalsmuseet som arrangerer, men dei siste åra har Taternes Landsforening teke over organiseringa.
– Det er ein konsert som samlar folk og formidlar tradisjon, fortel Møystad.
I alt er det plass til 150 stykker i salen, og Møystad fortel at det har for vane å bli fullt. Ho legg til at det er gratis.
Attpåtil musikken kjem sjølvsagt nissen med pakkar til barna, og det vil vera hest og slede på staden. Men aller først:
– Julegrøt og pepperkaker, seier Møystad.
For dei som kjem langvegs ifrå er det mogleg å ringa museet for å setta av billettar på førehand. Elles er det godt gamalt køsystem.
De kan lesa meir om arrangementet på facebook – her.
