Tilskotsordningane
Tilskotsordningar er eit av staten sine verkemiddel for å styrkja og bevara kulturen til taterar, og for å kompensera for historisk urett og betra situasjonen for taterar i dag. De får ein oversikt over ordningane her.
Latjo Drom si nettutstilling
Utstillinga er meint å vera ein ressurs for alle som vil læra meir om romanifolket/taterane sin kultur og historie. Anno musea i Hedmark har lagt ut ein video om utstillinga på YouTube. De kan sjå videoen ved å følgja denne lenkja.
NRK sitt fleirkulturelle talentprogram
NRK lyser kvart år ut fem stipendiatstillingar, med søknadsfrist i mars/april. Dei er i hovudsak ute etter journalist/TV-talent som brenner for å fortelja historier, helst med noko relevant utdanning. Opplæring og praksis varer i 10 månader og er betalt.
Samlaget sin forfattarskule for skrivande med minoritetserfaring
Ber du på ein draum om å bli forfattar? Forlaget Samlaget har ein forfattarskule som tek sikte på å få betre mangfald innan nynorsk litteratur. Det er ingen krav at du kan nynorsk, eller at språket er perfekt. Skulen går over eitt år, med fire samlingar. Reise til- og frå skulen blir dekt.